Реабилитология бойынша білім алушылардың халықаралық олимпиадасы

2026 жылғы 23-24 сәуірде Астана қаласында Бейбітшілік көшесі, 49а мекенжайы бойынша "Астана Медицина Университеті" базасында өтетін оңалту бойынша білім алушылардың Халықаралық олимпиадасын өткізу туралы хабарлаймыз.

Олимпиаданың мақсаты: Білім алушылардың кәсіби құзыреттіліктерін қолдау және дамыту, халықаралық тәжірибе алмасу, медициналық оңалту саласындағы теориялық білім мен практикалық дағдылар деңгейін арттыру.

Олимпиадаға қатысуға шақырылады:

    •   медициналық университеттер мен институттардың білім алушылары (медицина, кинезитерапия, эрготерапия);

    •   интерндер/ординаторлар/резиденттер.

Қатысуға жіберілмейді: магистранттар мен докторанттар.

Олимпиада аясында:

    •   теориялық және практикалық конкурстық тапсырмаларды орындау;

    •   клиникалық жағдайларды талдау;

    •   командалық және жеке кезеңдер;

    •   кәсіби және клиникалық құзыреттілікті бағалау;

    •   жеңімпаздар мен жүлдегерлерді марапаттау.

Олимпиаданың жұмыс тілдері: қазақ, орыс, ағылшын.

Қатысу қорытындысы бойынша барлық қатысушыларға сертификаттар беріледі,жеңімпаздар мен жүлдегерлер дипломдармен және естелік сыйлықтармен марапатталады.

Қатысу тәртібі

Олимпиадаға қатысу үшін өтінімді толтырып оны электрондық поштаға жіберу қажет: rehab.and.sportmed@mail.ru 

Өтінім нысаны қосымшада ұсынылған.

Өтінім беру мерзімі — 2026 жылдың 23 наурызына дейін.

Өтінімді алғаннан кейін қатысушыларға Олимпиаданың мазмұны мен форматы туралы қосымша ақпарат жіберіледі

Олимпиаданы өткізу кезеңдері

Олимпиада үш кезеңнен тұрады және мыналарды қамтиды:

      • тестілеу — қатысушылардың теориялық білімін бағалау;

      • практикалық дағдылар - симуляциялық орталық базасында практикалық тапсырмаларды орындау және клиникалық ойлауды, практикалық және коммуникативтік құзыреттерді бағалай отырып, стандартталған пациентпен жұмыс істеу;

      • стартаптар мен инновациялық жобаларды ұсыну — олардың инновациялылығын, клиникалық маңыздылығын және практикалық іске асырылуын бағалай отырып, медициналық оңалту саласындағы идеялар мен жобаларды таныстыру.

Анықтама үшін байланыс: +7 702 384 0967 (WhatsApp)